Bim Alex Miescher bini gfloge mit Überschall,
Läck isch das megageil gsy, i gloub y ha ne Knall!
Das hett mir aube fasch dr Schädu wöue verjage,
Schön isch’s aber gsy, drum wott ig gar nit chlage.

Bim neu Herbärgsvater syg jo nämlich ou vüu los,
Ganz bsungers wenn’s de no chlöpft uf dr Schtross.
Wenn auso Outofahrer sich chratze a ihrem Schädu,
Lächlet my neu Herbergsvater, dr Kaufmann Pädu!

Wenn s’Outo lieber würsch uf e Schrottplatz bringe,
Wüu am Chare nümme gsesch, was isch vore und hinge.
De geisch no zerscht ganz duuch zum Kaufmann Patrick,
Ganz unschuldig seisch: My Bänne brucht e Bombe-Flick

Dr Pädu isch ou e Schtimme-Immitator, öppe gar nid übu,
Hett nämlich am Hilari 08 gschnorret us em Ghüderchübu!
Mys fiene Schnägge-Schtimmli syg das gsy, ha ig vernoh,
Verschisse hett’s tönt, wüu dr Edi s’Ghüder het drinne gloh!

Doch was wosch hingedrie no lang lamäntiere und chlage
Gschieder tue ig ab und zue e Usflug zur Obernärri wage.
Ernennt wird d’Solothurnschtross sofort zur Schnäggespur,
Das isch sicher immer no besser als e Fastfood-Fräss-Spur.

Dr Steiner Hans wohnt nämlich ou a däm Imbiss-Meile-Ding,
Und d,Bierhütte isch ou nid so wyt mit em Loosli-Recycling.
Hingäge die ehemaligi Narrehochburg wird ig scho vermisse,
Adieu St. Urs, s’hett mer s’Härz scho mängisch verrisse.

Patrick, du weisch, ig lege wärt uf ne gsungi Ernährig,
Zart-Gäubi Salatbletti, doh bruchts gloub kei Erklärig!
Uf üsne Schtreifzüg durch Biberist halte mir d’Ouge offe,
Pädu, am nöchscht Hilari verzöusch de, was so isch gloffe.

Anno Domini, Biberist, 17. Horner 2010

Die Obernärrin
Susanne Scheidegger

Dr Värslibrünzler
Werner Jäggi

Die Narrenschreiberin
Andrea Mühlemann