Herbergsvater Hans Niederhauser

Am Aschermittwoch 2008 durfte die Dorffasnacht Biberist ihr Wappentierchen, den Aemmeschnägg, dem Herbergsvater Hans Niederhauser in Obhut geben. Ein weiteres Mal kam der Aemmeschnägg wieder in die Region Bleichenberg, nämlich an die Bleichenbergstrasse 35.

Die offizielle Übergabe des Ämmeschnäggs fand beim Feuerwehrmagazin Biberist statt. Gerne nahmen die zahlreichen Fasnächtler nach der kurzen Regenschauer die Einladung des Herbergsvater zur Verpflegung im Militäressraum an. Ein gemütlicher Ausklang beschloss die Fasnacht 2008.

Proklamation 2008

Grüenabfuehr, Ghüder und Komposcht
Im Abfau chumm ig jetz" drus, jo bigoscht
Glehrt hani das bym Spezialist, Edi Walther
Bim feschte merk"sch übrigens nüt vo sym Alter.

Ha mänge grosse und schwäre Container häufe kippe
S"isch mir ou mängisch z"vorderscht gläge uf dr Lippe
Wenn im Abfausack isch gsy e Konsärvedose us Metall:
Sappermoscht und Blattsalat, hei die Lüt e Knall.

Am Hilari hett d"Obernärri kräbelet mini Ohre
Mama mia, hani schwitze mache by so viel Amore
Mini Härze mage bum bum, aber Susanne mir gseite
Am Aschermittwuch zum Niederhauser Hans de geite.

Gniesse söu ig jetz" Höheluft im Bleichebärg,
Do hani übrigens scho mängisch gha my Herbärg.
So bym Kaiser, David, Grütter und Jenny Erwin.
D"Bleichebärger hei my äue gärn, s"macht dr Schie.

Im Elektrische kenn ig my uus, machet Euch kei Sorge,
Jetz" weiss ig sogar wie me Kupferkabu tuet Entsorge.
Für d"EURO 08 macht dr Hans mir e Multimedia-Anschluss
De isch mis Schnäggehuus HD ready und total im Schuss!

Wenn de öppe d"Monteure göh go Znüni ässe,
tue ig wieder baschtle und Ampèrechäferli mässe.
Mys Schnäggehuus chani de säuber elektrifiziere
Mit dr neuscht Alarmalag, de cha mir nüt passiere!

Wäg mire Verchöschtigung mach Dir keini Sorge
Am liebschte hani no immer zarte Salat am Morge.
Wenn ig nit grad ume by, tue nid bange und warte,
Ig by sicher grad bim Haas Wäutu im gschläcket Garte!

Hans, heb d"Ohre schtief und d"Ouge offe,
De merksch de scho was öppe so isch gloffe.
Am Hilari 2009 wärde mir zwee de brichte,
Was z"Biberischt passiert sy für Gschichte.


Aschermittwoch, 6. Horner, Anno Domini 2008
Die Narrenschreiberin: Andrea Mühlemann
Die Obernärrin: Susanne Scheidegger