D" Fasnacht isch verby jetz hütt
D"Ruth Furter hett guet gredt ir Bütt
Ii bi sehr gärn bi ihre gsii
Doch isch die Zyt halt jetz verby

Am Äschermittwoch tue n ii zügle
D"Narre tüe mys Chleid gäng bügle
Für mii hett"s hütt e bsungere Grund
Ii chume jetz zum Edy Fund.

Wäg däm tue n ii nid öppe gränne
Du Edy wohnsch jo ou ar Ämme
Wenn"s sött e heisse Summer gää
De chönnt ig dört es Bad go näh.

Mir hett me gseit Du sigsch e Flotte
Hüür isch de s"Schnäggegift verbotte
Das wott ii Dir do sicher säge
Süsch muesch mii uf e Friedhof träge.

My Lieblings-Schpys isch doch Salat
Drum mach dervo gäng gnue parat
Gib mir paar Bletter jede Morge
De hesch mit mir keini Sorge.

Mys Huus muess nid neu Vorhäng haa
Es si jo keini Fenschter draa
Schpannteppich bruch ii ou kei neue
Ii weiss, das wird Dii sicher freue.

Hüür hei mii zwee Sache blogt
Ii ha de Obernarr drum gfrogt:
D"Schnägge-Zytig wo isch die woo?
Wie bi n ii ir Stadt uf Plagette choo?

Zum Schluss ha n ii jetz no e Bitt
Am nöchschte Hylari muesch i d"Bütt
Muesch s"ganz Johr chli Notize mache
Dass s"Narrevolk cha drüber lache!


Anno Domini
17. Horner 1999

Der Obernarr
Kurt Rohner

Die Narrenschreiberin
Barbara Rüfenacht

Der Verfasser und Färslischmid
Ruedi Iseli