So Schnägg, jetz chunsch zur Furter Ruth
Blyb do schön brav und lauf nid furt.
S"Ruth isch e ganz e liebi Frou
Und ihre Maa und d"Ching kennsch ou.

Die si doch zersch im Dorfchärn gwohnt,
Das hett sech für üs Naare glohnt.
Em Küpfer Martha si Fasade
Hei sie gäng mit Ballön belade
Ir Fasnachts-Zyt s"isch gsii e Hitt
Das si doch rächti Fasnachts-Lüt.
Die wo gmeint hei, s"Martha mach"s sälber
Die si die allergröschte Chälber.

So Ruth, Du söllsch zu Ehre cho
Mir wei der Schnägg Dir überloo.

Wenn Du ne einisch muesch go sueche
De gang zum Lehme Heinz go luege
Der Schnägg isch lieb, louft süsch nid furt,
Höchschtens bis zum von Burg Kurt.

Lue zue nem guet, pass uf ne uuf,
Dass ihm nid hüür der Schnuuf goht uus.
Du muesch em gäng gnue z"frässe gää,
Wenn furt gosch, chasch ne guet mitnäh,
Aer reiset gärn Du wirsch"s de gseh,
Im Summer oder ou im Schnee.

Jetzt wechsle ich auf schriftdeutsch schnell
Sonst reimt"s nicht auf Saas-Almagell.
Wenn Mutter Ruth in"s Lager fährt
Wir glauben, dass der Schnägg mit geht
Dort kann er kriechen, muss nicht rennen
Und lernt sogar den Pirmin kennen.

So Schnägg hesch gseh däm Huus sys Dach
Es isch nit schreg und ou nit flach
S"hett keini Egge lueg doch - und
Es isch wie dys ganz eifach rund.

Zum Schluss für d"Mueter no e Rot,
Gib de em Schnägg kei Gen-Tech-Brot,
Aer isch jo ou scho nümm ganz jung.
All Tag chli Chopfsalat isch gsung.

Anno Domini
25. Horner 1998

Der Obernarr
Kurt Rohner

Die Narrenschreiberin
Barbara Rüfenacht

Der Verfasser und Värslischmied
Ruedi Iseli