Bym Lehmann Heinz vor guet emene Johr,
by nig am Äschermittwuch y d'Obhuet cho.
Salat us sym Garte hett är mir versproche,
doch hani dr Brote schnäu einisch g'roche.

Aus Amme muesch sy überau präsent,
d'Freizyt wird do eim scho enorm i'gschränkt.
Politischi Problem chasch nid uf d'Siete schiebe,
me verzichtet uf das, wo me süsch würd liebe.

Trotzdäm hani bim Heinz verbrocht e schöni Zyt,
wo mir bestimmt immer y gueter Erinnerig blybt.
Är wird mir sicher ou verzeihe und vergässe,
dass ig haut glych fasch aue sy Salat ha g'frässe.

Dr' Hilari isch cho, s'isch worde langsam klar,
dr Schnägg müessti no e nöii Herberg ha.
Dr Rohner Kurt, heimer chönne vernäh,
wärd my am Äschermittwuch y d'Obhuet näh.

Dr Kurt isch mir gar nid öppe unbekannt,
aus Maskebauer är leischtet auerhand.
Zeigt de Ching s'umgoh mit dr Fantasie
und opferet syni wenigi Freizyt gärn derby.

Mit em Kurt foht e nöii Epoche a,
Herbergsvater söu sy für jedermaa.
Är setz einisch meh es Zeiche,
stöut nöii, für üs vergässni Weiche .

Bis zum Hilari isch no e längi Zyt,
wos mir bim Kurt sicher nie längwielig wird.
Drum Kurt heb d'Ohre stief und d'Auge offe,
verzöu nöscht Hilari ir Bütt, wies isch gloffe!

Anno Domini 1996
Biberist, 21. Februatr

Die Narrenschreiberin
Barbara Rüfenacht

Der Obernarr
Koni David